Cyrff Cynghori

Partneriaeth Twf Economaidd

Mae Partneriaeth Twf Economaidd Prifddinas-Ranbarth Caerdydd yn gyfrifol am y canlynol:

Adolygu a rhoi sylwadau ar y Weledigaeth a Strategaeth Economaidd Rhanbarthol a phob cynllun a fframwaith olynol.
Darparu adolygiad a her i benderfyniadau Cronfa Fuddsoddi’r Fargen Ddinesig – gan ryngwynebu â’r Panel Buddsoddi, sydd wedi’i ymgynnull er mwyn rhoi cyngor ac arweiniad i’r Cabinet ar y Fframwaith Buddsoddi.
Darparu rôl eiriolaeth, hybu’r rhanbarth fel prif leoliad ar gyfer buddsoddi ac ymwelwyr, a gweithio gyda phartneriaid i gynyddu gwerth ac ansawdd mewnfuddsoddiad.
Hyrwyddo’r defnydd o ffynonellau cyllid allanol ledled y ddinas-ranbarth.
Rhoi cyngor ar ymyriadau arfaethedig gan randdeiliaid eraill, gan gynnwys Llywodraeth Cymru a Llywodraeth y DU.
Gweithredu fel ymgynghorydd wedi’i enwi ar gyfer Cabinet Prifddinas-Ranbarth Caerdydd.
Gweithredu fel rhyngwyneb â bargeinion dinesig eraill y DU a phartneriaethau twf economaidd rhanbarthol eraill, gan weithio gyda’r dinasoedd eraill hyn i rannu profiadau, arbenigedd ac adnoddau.
Datblygu’r dull strategol ar gyfer datblygu polisi ac adnoddau data i sicrhau bod y strategaeth a’r broses gwneud penderfyniadau ganlyniadol yn seiliedig ar dystiolaeth ac wedi eu trwytho mewn craffter a gwybodaeth economaidd.
Gweithredu fel canolbwynt ar gyfer coladu a rhannu gwybodaeth economaidd yn y rhanbarth a chydlynu anghenion ymchwil Cabinet Prifddinas-Ranbarth Caerdydd. Ni fydd y Bartneriaeth Twf Economaidd Rhanbarthol yn cynhyrchu ymchwil ei hun, ond fe fydd yn cydlynu, coladu a defnyddio ymchwil gyda chymorth sector prifysgolion y ddinas-ranbarth.

Cadeirydd presennol y Bartneriaeth Twf Economaidd Rhanbarthol yw Frank Holmes, sef partner yn Gambit Corporate Finance.

Ar gyfer manylion holl aelodau Bwrdd y Bartneriaeth Twf Economaidd Rhanbarthol – mewnosodwch ddolen Mod Gov

Panel Buddsoddi

Diben Panel Buddsoddi Prifddinas-Ranbarth Caerdydd (‘Panel Buddsoddi’) yw cefnogi’r broses o wneud penderfyniadau sydd â’r nod o gyflawni amcanion craidd y Fargen Ddinesig (creu swyddi, sbarduno buddsoddi, ac ymgodi gwerth ychwanegol gros). Yn benodol, mae’n gyfrifol am y canlynol:

Darparu cyngor, trosolwg a chymorth annibynnol fel rhan o’r Fframwaith Buddsoddi ac Ymyrryd.
Cynghori Cyfarwyddwr Prifddinas-Ranbarth Caerdydd, y Bartneriaeth Twf Economaidd Rhanbarthol a Bwrdd y Rhaglen o addasrwydd y cynigion prosiect a dderbynnir ar gyfer buddsoddiad gan y gronfa a gwneud argymhellion ffurfiol i’r cyrff cymeradwyo priodol (Cabinet Rhanbarthol).
Monitro ac adolygu cynnydd y ‘prosiectau ar y gweill’ drwy’r Fframwaith Buddsoddi ac Ymyrryd ac, yn arbennig, goruchwylio’r Broses Datblygu Achos Busnes Cymesur.
Asesu’r gofynion cychwynnol a pharhaus o ran diwydrwydd dyladwy sy’n benodol i’r prosiect, gan gynnwys ond heb fod yn gyfyngedig i agweddau ariannol, masnachol, technegol a cyfreithiol pob cynnig.

Mae’r panel yn cael ei gadeirio yn bresennol gan Frank Holmes, partner yn Gambit Corporate Finance, ac yn cynnwys pum aelod o’r Bartneriaeth Twf Economaidd Rhanbarthol, a phum aelod o Fwrdd y Rhaglen.

Cyngor Busnes

Mae Cyngor Busnes Prifddinas-Ranbarth Caerdydd yn gyfrifol am y canlynol:

mynegi anghenion rhanbarthol busnes
nodi blaenoriaethau rhanbarthol ar gyfer gwasanaethau cymorth busnes sy’n bodoli eisoes, a chynllunio rhaglenni cymorth busnes yn y dyfodol
nodi meysydd allweddol y mae angen ymyrryd ynddynt
cefnogi Partneriaeth Twf Economaidd Prifddinas-Ranbarth Caerdydd yn y gwaith o gyflawni ei chynllun strategol
rhoi cyngor cynhwysfawr, a herio a chraffu

Y cadeirydd presennol yw Nigel Griffiths.

Partneriaeth Sgiliau

Rôl Partneriaeth Sgiliau Prifddinas-Ranbarth Caerdydd yw datblygu potensial cymdeithasol ac economaidd Prifddinas-Ranbarth Caerdydd, gan gefnogi pobl a busnesau i gyflawni rhanbarth ffyniannus sy’n perfformio’n dda ac sy’n ysgogi mewnfuddsoddi. Mae’n gyfrifol am nodi blaenoriaethau rhanbarthol ar gyfer buddsoddi mewn sgiliau a arweinir gan anghenion y diwydiant ac a hysbysir gan ddealltwriaeth lawn o’r dirwedd economaidd sy’n newid. Mae’r bartneriaeth yn dod ag ystod eang o randdeiliaid at ei gilydd, gan gynnwys busnesau, cyrff diwydiannol, sefydliadau addysg uwch ac addysg bellach, darparwyr hyfforddiant, ysgolion, awdurdodau lleol a Llywodraeth Cymru. Mae datblygu’r sgiliau cywir yn hanfodol i gynyddu cynhyrchiant ac effeithlonrwydd ac, er mwyn cyflawni hyn, mae Partneriaeth Sgiliau Prifddinas-Ranbarth Caerdydd wedi sefydlu Bwrdd Cyflogaeth a Sgiliau ac wedi ehangu ei sylfaen dystiolaeth drwy ymchwil a mwy o ymgysylltu â chyflogwyr a rhanddeiliaid. Mae wedi sefydlu grwpiau clwstwr sector, y mae pob un dan arweiniad diwydiant ac yn cysylltu â chynrychiolwyr ledled y maes addysg.

Cadeirydd presennol y Bartneriaeth Sgiliau yw Leigh Hughes, Cyfarwyddwr Cyfrifoldeb Cymdeithasol Corfforaethol Bouygues.

Bwrdd y Rhaglen

Mae Bwrdd y Rhaglen yn fwrdd adolygu ac ymgynghori ac mae’n cynnwys prif weithredwyr pob awdurdod lleol yn ogystal â chynrychiolwyr y Fargen Ddinesig a enwebwyd. Mae ei gyfrifoldebau yn cynnwys:

Darparu mewnbwn sy’n benodol i awdurdodau lleol ar gyfer y Fargen Ddinesig a’r holl faterion sy’n gysylltiedig â datblygu polisi ac adfer economaidd ym Mhrifddinas-Ranbarth Caerdydd;
Trosolwg o’r holl faterion datblygu rhanbarthol sy’n gysylltiedig â chyfraniad sy’n benodol i awdurdodau lleol yn y Fargen Ddinesig a datblygu materion sy’n ymwneud â’r ddinas-ranbarth;
Enwebu pum cynrychiolydd i’r Panel Buddsoddi a chysylltu â phartneriaethau ehangach fel y bo’n briodol;
Cymorth cynghorol i’r Cabinet Rhanbarthol yn ôl y gofyn ar faterion polisi a strategaeth ac wrth gefnogi ymrwymiad awdurdodau lleol i’r Fargen Ddinesig;
Cymorth strategol i Swyddfa’r Rhaglen / Tîm y Fargen Ddinesig ar faterion sy’n ymwneud â rôl a swyddogaeth awdurdodau lleol o ran y Fargen Ddinesig;
Ymgynghori ac adolygu, fel y bo’n briodol, ar gynigion buddsoddi’r Fargen Ddinesig a, thrwy’r uchod, cymryd rhan yn y Panel Buddsoddi a chymryd rhan mewn fforymau a chyfarfodydd eraill sy’n cyfrannu at y broses o ymgynghori ar arfarniadau buddsoddi;
Gweithredu fel corff ymgynghori ar gyfer cynlluniau, cynigion polisi a mentrau Llywodraeth Cymru a Llywodraeth y DU;
Sicrhau bod dolenni adborth a llinellau cyfathrebu i Gyfarwyddwyr Datblygu ac Adfywio Economaidd mewn awdurdodau lleol;
Alinio cyfranogiad awdurdodau lleol mewn byrddau cysylltiedig fel Adfywio Canol Trefi;
Gweithredu fel rhyngwyneb â Bargeinion Dinesig wedi’u lleoli yn y DU a chynghorau partner.

Cadeirydd Bwrdd y Rhaglen yw Alison Ward (Prif Weithredwr Torfaen).

Gwasanaethau Cynghori

Partneriaeth Twf Economaidd

Panel Buddsoddi

Cyngor Busnes

Partneriaeth Sgiliau

Bwrdd y Rhaglen

Useful Links

Stay Updated

Contact CCR

Call Us

Email Us

Partneriaeth Twf Economaidd

Panel Buddsoddi

Cyngor Busnes

Partneriaeth Sgiliau

Bwrdd y Rhaglen