Arloesedd

Cronfa Her

Statws: Cyflenwi

Ailadeiladu cyfoeth lleol drwy gyrchu datrysiadau arloesol i fynd i’r afael â rhai o broblemau cymdeithasol mwyaf dybryd Prifddinas-Ranbarth Caerdydd.

Beth yw'r prosiect?

Nod Cronfa Her £10 miliwn Prifddinas-Ranbarth Caerdydd yw ailadeiladu cyfoeth lleol drwy ddod â datrysiadau arloesol i fynd i’r afael â rhai o broblemau cymdeithasol mwyaf dybryd Prifddinas-Ranbarth Caerdydd. Gan weithio mewn partneriaeth â Phrifysgol Caerdydd ac YLab, bydd y gronfa yn gwahodd ein cyrff sector cyhoeddus i ddatblygu heriau a chysylltu â sefydliadau sy’n gallu darparu datrysiadau arloesol i’r heriau a nodwyd. Nod yr ymagwedd hon yw defnyddio creadigrwydd a dyfeisgarwch y rhanbarth a dod â’r sector cyhoeddus a phreifat at ei gilydd er mwyn cyflawni datrysiadau gwreiddiol, lle nad oes datrysiadau masnachol yn bodoli’n bresennol, ac i ddarparu llwybr i’r farchnad ar gyfer y datrysiad.

Rhannu:

Mae tair thema â blaenoriaeth wedi’u nodi. Y thema gyntaf yw cyflymu datgarboneiddio – yn benodol, o ran gwella ansawdd yr aer, a thrafnidiaeth. Yr ail yw gwella iechyd a lles dinasyddion y rhanbarth, gan edrych ar faterion megis bwyd ac iechyd, a diogelwch bwyd. Y trydydd yw cefnogi, ehangu a thrawsffurfio cymunedau, gyda ffocws ar ganol trefi, strydoedd mawr trefi a chymunedau gwledig.

Tra bo’r rhain i gyd yn broblemau hirdymor y byddai cyrff sector cyhoeddus yn mynd i’r afael â hwy, mae angenrheidrwydd y sefyllfa wedi cynyddu yn dilyn pandemig y coronafeirws (COVID-19). Er enghraifft, mae cyfyngiadau lleol a chenedlaethol wedi codi cwestiynau newydd ynglŷn â sut rydym yn trefnu ein trafnidiaeth a gwella ansawdd yr aer. Maent hefyd wedi cynyddu’r angen i ddod o hyd i ddatrysiadau newydd i helpu ein strydoedd mawr a chanol ein trefi, sydd wedi wynebu dirywiad economaidd.

Pwy sy'n gymwys i wneud cais?

Mae'r galwad cychwynnol am heriau wedi'i dargedu at sefydliadau sector cyhoeddus ym Mhrifddinas-Ranbarth Caerdydd sydd eisiau datblygu a rhedeg heriau.

Gallai sefydliadau sector cyhoeddus gynnwys awdurdodau lleol, byrddau iechyd, a heddluoedd ac ati. Fodd bynnag, er mwyn derbyn cyllid, mae'n rhaid i bob her roi cyfle i wneud y canlynol:

Datrys heriau mwyaf cymdeithas
Creu datrysiadau arloesol
Darparu effaith economaidd ar gyfer y rhanbarth
Ysgogi cyfleoedd mesuradwy masnachol
Adeiladu cyfoeth lleol

Bydd pob her yn cael ei hasesu yn erbyn yr un meini prawf. Bydd y rhai sy'n llwyddiannus yn gallu derbyn hyd at 100% o gyllid i gefnogi datblygu heriau.

Buddsoddi a throsoledd

£10m

Buddsoddiad Prifddinas-Ranbarth Caerdydd

£6m

Cyllid cyfatebol

£3m

Trosoledd rhagweledig

Buddion a chanlyniadau disgwyliedig

Mae buddion cymryd rhan yn cynnwys:

Cyfle i archwilio datrysiadau creadigol i heriau economaidd lleol
Buddsoddiad i ddarganfod a datblygu datrysiadau arloesol
Cyflenwi gwasanaeth lleol gwell sy’n buddio o ddatrysiadau wedi’u teilwra
Creu marchnadoedd newydd a’r gallu i ‘dorri trwy’ fframweithiau caffael cyhoeddus
Potensial ar gyfer datrysiadau masnachol y gellir eu graddio a’u gwerthu yn lleol a thu hwnt
Twf a datblygiad cadwyn gyflenwi leol

Cyflawniadau

Digwyddiad briffio

Anogir sefydliadau Sector Cyhoeddus yn y rhanbarth i fynychu'r digwyddiad briffio rhithwir i ddysgu mwy am y gefnogaeth a gynigir. Bydd y digwyddiad briffio nesaf yn cael ei gynnal ar 23 Mehefin 2021, manylion cofrestru i ddilyn. Dylai'r rhai sydd â diddordeb mewn mynychu gofrestru ar y digwyddiad briffio. Bydd mynychwyr yn clywed gan ymarferwyr profiadol o Innovate UK a Llywodraeth Cymru, yn ogystal ag academyddion blaenllaw o Brifysgol Caerdydd, ein partneriaid wrth ddarparu'r gronfa. Byddant yn cael mewnwelediad i sut y gall cyrff sector cyhoeddus weithredu fel catalydd ar gyfer ysgogi arloesedd wedi'i arwain gan her ac, yn bwysig, sut y gellir cael mynediad at becyn cymorth newydd Cronfa Her Prifddinas-Ranbarth Caerdydd i helpu i fynd i'r afael â rhai o'r heriau mawr sy'n wynebu cymdeithas.

Cyflwyno datganiadau o ddiddordeb

I lenwi ffurflen EOI cliciwch yma

Gweithdai Datblygu Her Gwanwyn 2022

Dyddiad cau ar gyfer ceisiadau llawn TBC

Contractau perchennog her a ddyfarnwyd TBC

Lansio heriau ar gyfer ymgysylltiad â diwydiant TBC

Y partneriaid a phobl allweddol sydd ynghlwm

Mae’r sefydliadau canlynol yn bartneriaid yn y prosiect:

Prifddinas-Ranbarth Caerdydd

Prifysgol Caerdydd

Y Lab

Y newyddion diweddaraf ar y prosiect

26 Ionawr 2023

Tri phrosiect bwyd cynaliadwy arloesol i dderbyn cyllid

Wedi'u dewis o fwy nag ugain o geisiadau am gyllid, mae'r tri chais llwyddiannus i gyd wedi derbyn contract dichonoldeb pedwar mis o hyd at £50,000 y prosiect. Ar ddiwedd y pedwar mis, bydd y prosiectau yn cael eu hasesu a bydd y rhai mwyaf addawol yn derbyn arian ychwanegol i beilota a phrofi brototeipiau.